İnanırıq ki, ADA Universitetində fəaliyyət göstərən Karyera İdarəetmə Mərkəzi gələcək iş həyatınızı planlaşdırmaq üçün təklif etdiyi bir çox faydalı resurslar sayəsində tez-tez üz tutacağınız sevimli məkana çeviriləcək. Karyera İdarəetmə Mərkəzinin başlıca məqsədi tələbə və məzunlara gələcək iş fəaliyyətləri ilə bağlı məsələlərdə, həmçinin iş axtarılmasında köməklik göstərməkdir. Mərkəz tələbə və məzunların karyeralarını həyatları boyu inamla idarə etmək üçün onları lazımi vasitələrlə, həmçinin doğru məsləhətlərlə təmin edir.
ADA Univeristetinin hər bir fakültəsində tələbələrə müvafiq məsələlərdə yardım edən karyera məsləhətçisi fəaliyyət göstərir. Karyera məsləhətçiləri ADA-nın tələbə və məzunları üçün təcrübə və məşğulluq imkanlarını asanlaşdırmaq üçün işəgötürənlərlə sıx əməkdaşlıq edirlər.
KİM-nin təklif etdiyi xidmətlər bunlardır:
Peşəkar iş həyatınızda nə etmək istədiyinizi və buna necə nail olacağınızı müəyyənləşdirmək üçün doğru ünvan buradır.
Ölkədə universitet və sənaye əməkdaşlığının pionerlərindən biri kimi ADA Universiteti işəgötürənlərlə uzunmüddətli əlaqələrin qurulması, eləcə də şirkət, universitet və ölkənin rəqabət qabiliyyətinin artırılması üçün çalışır. Biz birlikdə gələcəyə sərmayə qoyur, insan kapitalının inkişafı vasitəsilə iqtisadi artıma və davamlı rifaha nail oluruq. Şirkətinizin ADA Universitetinin tələbələri ilə əlaqəsi belədir.
Siz ADA Universitetinin tələbələrinə təcrübə imkanlarını təmin etməklə onların çalışaraq öyrənməklərinə köməklik göstərməklə yanaşı şirkətiniz üçün potensial işçilər yetişdirirsiniz. Tələbələrimiz şirkətlərin fəaliyyətləri ilə bir başa tanış olur və məzun olduqdan sonra çalışmaq istədikləri sahə ilə bağlı özlərini inkişaf etdirir,CV-lərini zənginləşdirir, eyni zamanda iş həyatına qatıldıqda artıq təcrübəli olurlar. Sizin kimi şirkətlər yarımçıq və ya mürəkkəb layihələri tamamlamaq, həmçinin yeni işlərə başlamaq üçün yeni insan resursları əldə edirlər.
Tələbələrimiz gələcək liderlərdə axtardığınız keyfiyyətləri özlərində cəmləşdirən: yüksək intellektə sahib, problem həll etmə bacarığına malik, effektiv ünsiyyət quran, sıx əməkdaşlıq quran etik vətəndaşlardır. Onlar tənqidi təfəkkür, ixtisasları üzrə dərin bilik, kəmiyyət əsaslandırılması, mürəkkəb problemlərin həll edilməsi, yaradıcı yanaşma, eləcə də komandada işləmə və ünsiyyət qurma bacarığı, ingilis dilini güclü bilmək, aktiv dinləmə və iştirak etmə, özünüqiymətləndirmə, nəhayət, vətəndaş fəallığı kimi səriştələrə malikdirlər. Bunlar şirkətinizi inkişafa doğru aparacaq insani bacarıqlardır..
