Tələbələrin Təhsil Göstəriciləri

ADA Universitetinin tələbələri ixtisas, seçmə və peşəkar inkişaf fənləri, həmçinin çoxşaxəli ümumi təhsil proqramı fənlərinin ətraflı öyrənilməsinə əsaslanan intensiv təhsil proqramı üzrə təhsil alırlar. Onlara təhsillərinin ayrılmaz tərkib hissəsini təşkil edən təcrübi və praktiki öyrənmə imkanları verilir. Bu akademik proqramın əsas məqsədi mühüm təhsil göstəricilərinə yiyələnmiş və yüksək nəticə göstərən məzunlar yetişdirməkdir.

Əsas peşəkar səriştələri və vətəndaşlıq dəyərlərini inkişaf etdirdikdən sonra ADA Universitetinin məzunları aşağıdakı 4 nəticəyə nail olurlar:

Tənqidi düşüncə ilə məzmun bilikləri

Təlim nəticəsi: fənn sahəsində ədəbiyyatın məzmunu haqqında bilikləri inkişaf etdirmək; öz fənni üzrə bilikləri digər bilik sahələrinə tətbiq etmək; öz məlumat ehtiyaclarını müəyyən etmək; etibarlı məlumatı tanımaq; şəbəkələrdən və verilənlər bazalarından məlumat əldə etmək, idarə etmək və yaratmaq; həm milli, həm də qlobal səviyyədə müasir problemlərin öyrənilməsi, təhlili, sintezi və qiymətləndirmək.

Yüksək İntellektli Həll Təminatçıları

Təkmilləşdirilmiş ünsiyyət bacarığı

Təlim nəticəsi: Məlumatlandırma, inandırma və fikrin ifadə olunması məqsədləri üçün şifahi və yazılı ünsiyyət qurmaq, eyni zamanda mənanın çatdırılması və auditoriya ilə əlaqə qurmaq üçün effektiv, məntiqli və aydın yazmaq və əyani vasitələrdən,yəni bədən dili, intonasiya və digər qeyri-şifahi elementlərdən istifadə etmək.

Effektiv Ünsiyyət Bacarığı olan Peşəkarlar

Etika və özünütəhlil

Təlim nəticəsi: Etik problemləri müəyyən etmək və bu problemləri sosial məsuliyyətli şəkildə həll etmək; vicdanla hərəkət etmək; öz dəyərlərini araşdırmaq və özünü cəmiyyətin fərdi kimi ümumi kontekstdən analiz etmək.

Etik Davranış Qaydalarına Riayət edən Vətəndaşlar

Müxtəliflik və komanda işi

Təlim nəticəsi: Müxtəlifliyi əks etdirən, çoxşaxəli və multikultural mühitlərdə səmərəli işləmək; müxtəlif fikirlərə və perspektivlərə hörmətlə yanaşmaq və anlamaq; fərqli mədəniyyətləri və baxışları qiymətləndirmək; tapşırıqları birgə yerinə yetirmək, emosional zəka nümayiş etdirmək, fərqləri uzlaşdırmağa və liderliyi bölüşməyə çalışmaq.

Yaxın Əməkdaşlar