Maliyyə yardımı

ADA Universitetində tələbələr təhsil almaqdan zövq alırlar. Biz onlar üçün müxtəlif növ maliyyə yardımı resursları təklif edirik. ADA Universiteti bu yardımları tələbələrin dünya səviyyəli təhsil almalarına, peşəkar və karyera məqsədlərinə çatmasına dəstək olmaq üçün edir.

ADA Universitetində maliyyə yardımı resursları yüksək akademik performansı təşviq etmək üçün nəzərdə tutulub. ADA Universitetində biz qəti şəkildə inanırıq ki, bugünkü liderlər öz dürüstlükləri, etikaları, üstün performansları və cəmiyyətə öz töhfələrini vermək öhdəliyi ilə fərqlənən bəylər və xanımlardır.

Biz tələbələrimizin akademik nailiyyətini və performansını qiymətləndiririk. Bunu səxavətli təqaüdlər, stipendiyalar və mükafatlar vasitəsilə təltif etməyə çalışırıq. ADA-da biz üstün təhsil vermək və intellektual araşdırmanı təşviq etmək öhdəliyi götürürük; lakin biz həmçinin bir-birimizə qarşı məsuliyyəti paylaşdığımız daha böyük bir cəmiyyətin bir parçası olduğumuzu da bilirik. Beləliklə, biz cəmiyyətə öz töhfələrimizi verməyə və ətrafımızdakı dünyaya müsbət təsir etməyə can atırıq.

Bu təqaüdlər ADA Universitetinə qeydiyyatdan əvvəl yüksək akademik performanslarına görə bakalavr dərəcəsinə qəbul olmuş abituriyentlərə verilir.

Rektorun Fəxri Siyahısı

DİM imtahanında 690-700 bal toplamış abituriyentlər, Beynəlxalq İnformatika və Riyaziyyat Olimpiadalarının qalibləri minimum 3.0 ÜOMG (CGPA)  saxladıqları və Akademik Məqsədlər üçün İngilis Dili Proqramını uğurla bitirdikləri təqdirdə təhsil müddətində 100% təhsil haqqından azad olunacaqlar. Bu tələblərə cavab verə bilməyən tələbələr növbəti semestrdə təqaüdün davam etdirilməsi üçün nəzərdən keçirilə bilərlər. Tələbələr bu təqaüddən istifadə edərək Akademik Məqsədlər üçün İngilis Dili Proqramına qoşulduğu halda maksimum 5 il, birbaşa ixtisasa başladıqları halda isə 4 il təhsil ala bilərlər.

Riyaziyyat və İqtisadiyyat ixtisaslarına qəbul olan DİM imtahanında 650-700 bal toplamış bakalavrlar və ya Beynəlxalq İnformatika və Riyaziyyat Olimpiadalarının qalibləri minimum 3.0 ÜOMG saxladıqları və Akademik Məqsədlər üçün İngilis Dili Proqramını uğurla bitirdikləri təqdirdə təhsil müddətində 100% təhsil haqqından azad olunacaqlar. Bu tələblərə cavab verə bilməyən tələbələr növbəti semestrdə təqaüdün davam etdirilməsi üçün nəzərdən keçirilə bilərlər. Tələbələr bu təqaüddən istifadə edərək Akademik Məqsədlər üçün İngilis Dili Proqramına qoşulduğu halda maksimum 5 il, birbaşa ixtisasa başladıqları halda isə 4 il təhsil ala bilərlər.

DİM imtahanında 650 və daha çox bal toplamış abituriyentlər, həmçinin 11-ci sinifdə Respublika Fənn Olimpiadalarında 1-ci yerin sahibləri təhsil müddətlərinin birinci ilində təhsil haqqından 100 % azad olunacaqlar. 

SAT imtahanından minimum 1500 bal toplayaraq Riyaziyyat və İqtisadiyyat ixtisaslarına qəbul olan abituriyentlər təhsil müddətlərinin birinci ilində təhsil haqqından 100 % azad olunacaqlar.

ADA Məktəbinin 11-ci sinfini 4 ÜOMG ilə bitirən şagirdlər Riyaziyyat və İqtisadiyyat ixtisaslarına qəbul olarkən təhsil müddətlərinin birinci semestri üçün təhsil haqqlarından 100 % azad olunacaqlar.

Dekanın Fərqlənmə Siyahısı

DİM imtahanında 600-650 bal və ya SAT imtahanından minimum 1500 bal toplamış abituriyentlər təhsillərinin birinci ili üçün 50 % güzəşt qazanacaqlar. 

Riyaziyyat və İqtisadiyyat ixtisaslarına qəbul olan ən yüksək nəticə ilə sinfinin 10%-ində (11-ci sinifin sonunda ÜOMG əsasında qiymətləndirilir) olan ADA Məktəbinin məzunları ilk semester üçün təhsil haqqından 50 % güzəşt əldə edirlər. Birdən çox tələbənin ÜOMG eyni olduğu hallarda seçim onların son semester göstəricisinə uyğun olaraq aparılır.

Riyaziyyat və İqtisadiyyat ixtisaslarına qəbul olan ən yüksək nəticə ilə sinfinin növbəti 10%-ində (11-ci sinifin sonunda ÜOMG əsasında qiymətləndirilir) olan ADA Məktəbinin məzunları ilk semester üçün təhsil haqqından 50 % güzəşt əldə edirlər. Birdən çox tələbənin ÜOMG eyni olduğu hallarda seçim onların son semester göstəricisinə uyğun olaraq aparılır.

For detailed information click the link (Merit Based Scholarship for Graduate Students) - please refer to second part of the document

Prezident təqaüdçüləri kimi qəbul edilən tələbələr müvafiq semesterdə aylıq təqaüd almaq hüququna malik olmaq üçün əvvəlki akademik dövrdə 3.80 və ya daha yüksək ÜOMG əldə etməlidirlər. Bu qaydalar xüsusi hüquqi statusa görə təqaüd alan tələbələrə şamil edilmir.

İnformatika və Riyaziyyat üzrə beynəlxalq olimpiada qalibləri prezident təqaüdçüsü ilə eyni təqaüdü alırlar.

Prezident təqaüdçüsü və ya beynəlxalq olimpiada qalibi yuxarıdakı tələblərə cavab verə bilmədikdə növbəti semestrdə təqaüd ödənişlərinin davam etdirilməsi üçün nəzərdən keçirilmək hüququna malikdir.

Tələbələr təqaüdü Akademik Məqsədlər üçün İngilis dili Proqramına qoşulduqları halda 5 il (10 semestr) və ya birbaşa ixtisasa başladıqları halda 4 il (8 semestr) ala bilərlər.

ADA Universitetində biz öz ölkəsinin müstəqilliyi və ərazi bütövlüyü uğrunda mübarizə aparmış və aparmaqda davam edən hərbçilərimizin fədakarlığına ehtiramla yanaşırıq. Onların nəsli əfsanəvi və misilsiz qurbanlar vermişdir. İstənilən xalqın böyüklüyü onların həlak olan qəhrəmanlarına necə hörmət göstərmələri, öz bayraqlarının ətrafında toplaşmaları və müharibədə həlak olanlara xidmət etməyə davam etmələri ilə ölçülür.

ADA Universitetində biz müharibə qəhrəmanlarımızın uşaqları, bacı-qardaşları və həyat yoldaşlarına təhsil verməklə onlara olan ehrimamızı nümayiş etdiririk. Biz həmçinin ölkənin silahlı qüvvələrində xidmət göstərən hərbçi bəylərə və xanımlara hörmətlə yanaşırıq. Qəhrəmanlara Minnətdarlıq təqaüdünün məqsədi hərbçilərimizi və müharibə qəhrəmanlarının övladları, bacı-qardaşları, həyat yoldaşlarını əlçatan təhsil imkanı ilə təmin etməkdir. Biz əmin olmaq istəyirik ki, hər bir müharibə qəhrəmanının ailə üzvü, silahlı qüvvələrimizin hər bir əsgəri və zabiti ADA Universitetinə qəbul ola və keyfiyyətli təhsil ala bilsin. Bununla yanaşı, biz həm də bu universiteti vətəndaşlıq və sosial məsuliyyət hissinin daha çox dəstəkləndiyi bir cəmiyyətə çevirmək istəyirik. 

Yeni qəbul olmuş və təhsilalan tələbələr ADA Universitetində təhsil müddətində Qəhrəmanlara Minnətdarlıq təqaüdünə müraciət edə bilərlər. 

Yeni qəbul olmuş və təhsilalan tələbələr bu təqaüdə nəzərdə tutulmaq üçün aşağıdakı tələblərə cavab verməlidirlər:

• Yeni qəbul olmuş və/və ya təhsilalan tələbə Azərbaycan Respublikası Silahlı Qüvvələrinin hazırki üzvü olmalıdır.
• Yeni qəbul olmuş və/və ya təhsilalan tələbə “Milli Qəhrəman” olmalı və ya “Milli Qəhrəman” statusuna malik şəxsin övladı olmalıdır.
• Yeni qəbul olmuş və/və ya təhsilalan tələbə 20 Yanvar hadisələri nəticəsində əlil olmuş və ya həlak olmuş şəxsin övladı olmalıdır.
• Yeni qəbul olmuş və/və ya təhsilalan tələbə müharibədə yaralanan hərbçinin övladı və ya həyat yoldaşı olmalıdır.
• Yeni qəbul olmuş və/və ya təhsilalan tələbə müharibədə həlak olmuş hərbçinin yoldaşı olmalıdır.
• Yeni qəbul olmuş və/və ya təhsilalan tələbə hazırda xidmət göstərən hərbi qulluqçunun və/və ya hərbi əlilliyi olan Silahlı Qüvvələr təqaüdçüsünün övladı olmalıdır.

Təqaüd qazanan tələbələr aşağıdakı tələblərə cavab verdikləri halda təhsil haqqından 100 % azad olunacaqlar: 

• Bakalavr tələbələri semester üzrə 2.0 və ya daha artıq orta göstəricini saxlamalı yaxud Akademik Məqsədlər üçün İngilis dili Proqramını  uğurla başa vurmalı, magistr tələbələrinin semester üzrə orta göstəricisi 2.75 və ya daha artıq olmalıdır. 
• Tələbələr semester üzrə tələb olunan kredit saatlarını götürməlidirlər. 
• Bakalavr tələbələri Qəhrəmanlara Minnətdarlıq Təqaüdü ilə qəbul ilində etibarən maksimum 1 il/2 semestr Akademik Məqsədlər üçün İngilis dili Proqramı daxil olmaqla maksimum 4 il/8 semestr təhsil ala bilərlər. Magistr tələbələri isə bu təqaüdlə qəbul ilindən etibarən maksimum 2 il/4 semestr təhsil ala bilərlər. 
• Yay semestri xərcləri Qəhrəmanlara Minnətdarlıq Təqaüdü tərəfindən qarşılanmır.

Tələbə kreditləri tələbələrə ADA Universitetinə təhsil haqlarını ödəməyə kömək edir. ADA Universitetinin dərəcə proqramlarından birinə müraciət edən yerli tələbələr TTKF-nin (Təhsil Tələbə Krediti Fondu)  təklif etdiyi TTK-dan yararlana bilərlər. Bu seçim abituriyentlərə TTKF-dən borc götürərək təhsillərini maliyyələşdirməyi və məzun olduqdan sonra geri ödəməyi təklif edir. Daha ətraflı məlumat üçün abituriyentlər TTK-nın saytı-nı yoxlaya bilərlər.