Public Administration (in Azerbaijani)
Dövlət İdarəetməsi
Azərbaycan dilində tədris olunan bu magistratura ixtisası 2 illik qiyabi proqramdır. Proqramın ənənəvi dərsləri bir semestr ərzində 4 modul, hər modulda 9 gün olmaqla ADA Universitetinin Qazax Mərkəzində keçirilir. Ənənəvi dərslərlə yanaşı, tədrisin ilk ilində tələbələrə akademik məqsədlər üçün onlayn ingilis dili dərsləri tədris edilir.
Bu tətbiqi proqramın əsasını dövlət qulluğunda uğurlu fəaliyyət üçün lazım olan biliklərlə yanaşı, tədqiqat, data əsaslı qərarvermə, maliyyə savadlılığı və kommunikasiya kimi praktiki bacarıqlar təşkil edir.
Qəbul şərtləri
Namizədlər Azərbaycandakı mövcud magistraturaya qəbul qaydalarına uyğun olaraq bu proqrama müraciət edə bilərlər.
Müraciət prosesi:
Elektron ərizəyə əlavələr:
- Namizədin bu proqrama müraciət səbəblərini və gələcək karyera planlarını ifadə edən 300-500 sözlük inşa
- Bakalavr diplomu və diploma əlavəsi ÜOMQ ilə birlikdə (ingilis dilinə tərcümə və notarial qaydada təsdiq ilə birlikdə)
- Şəxsiyyət vəsiqəsi
- CV
- 3x4 sm ölçüdə fotoşəkil
Ərizə formasında verilən sual üzrə esse:
“İndiki dövrdə məlumat çoxdur, amma insanların bir-birinə inanmaması ciddi bir maneəyə çevrilir. Bəs bu vəziyyətdə, yalnız məlumatın (dezinformasiyanın) qarşısını almaq üçün dövlət, media və ya sıravi vətəndaşlar nə etməlidir? Bu problemə qarşı həyata keçirilə biləcək bir yolu təklif edin və niyə məhz bu yolun effektiv olacağını izah edin”.
Yalnız seçilmiş namizədlər məqsədlərini və proqramla uyğunluqlarını daha ətraflı müzakirə etmək üçün müsahibəyə dəvət olunacaqlar. Dövlət qurumlarında iş təcrübəsi olan namizədlərə seçim prosesində üstünlük veriləcək.
EN
