Biz, yeddi fakültədən ibarət universitetik. Bizim İctimai və beynəlxalq münasibətlər, Biznes, İnformasiya Texnologiyaları və mühəndislik, Təhsil, Hüquq, Kənd təsərrüfatı və qida elmləri, Dizayn və memarlıq fakültələrimiz bakalavr və magistr pillələri üzrə ixtisaslar tədris edir.
Biz, akademik mükəmməllik, hesabatlılıq, birgə idarəetmə, şərəf, ləyaqət, şəffaflıq, müxtəliflik, əməkdaşlıq, ünsiyyət və sosial məsuliyyət dəyərləri üzərində qurulan icma kimi fərdləri ənənəvi düşüncə tərzindən kənara çıxaraq yeni ideyalar axtarışına həvəslənəndiririk.
2018-ci ildə ADA Universitetindən məzun olduqdan sonra Mir Fuad bir neçə il beynəlxalq McKinsey şirkətində çalışıb. 2023-cü ildən Harvard Universitetinin Biznes Məktəbində MBA təhsili alır. Mir Fuad həm də bu il iki digər aparıcı universitetdən- Kolumbiya Universiteti və Pensilvaniya Universitetindən qəbul alıb.
ADA Universiteti mənə dərin bilik və zəngin təcrübə verib. Bunun üçün dəyərli müəllimlərimə və ADA kollektivinə minnətdaram.
İnanıram ki, zəhmət hər zaman öz bəhrəsini verir. Azərgold şirkətində bir aylıq təcrübə proqramım əvvəlcə altı aya uzadıldı, sonra isə oradan iş təklifi aldım. Karyera məqsədlərimə çatmağımda ADA Universitetinin qazandırdığı bilik və bacarıqların və burdakı karyera xidmətlərinin böyük rolu olub.
ADA Universitetində təhsil kampusun daxilində bitmir və bütün işgüzar mühitlə əlaqəli şəkildə aparılır. Burada proqramlar bizneslə akademik mühiti bir araya gətirir və sosial məsuliyyətli qlobal liderlər yetişdirir.
Tələbə
Müəllim
Ölkə
Məzunların məşğulluğu
